ಇನ್ಮುಂದೆ ರಾತ್ರಿ ಒಬ್ಬರೇ ಹೋಗುವಾಗ ಭಯಪಡಬೇಕಿಲ್ಲ. ಗೂಗಲ್ ತಂದಿದೆ ಹೊಸ ಫೀಚರ್ : ಏನದು ?

0
301

ರಾತ್ರಿಯ ವೇಳೆ ಸುರಕ್ಷತೆಯಿಂದ ಜನರನ್ನು ಮನೆಗೆ ತಲುಪಿಸುವ ಉದ್ದೇಶದಿಂದ ಗೂಗಲ್ ಮ್ಯಾಪ್ ಹೊಸ ಫೀಚರ್ ಒಂದನ್ನು ಜಾರಿಗೆ ತರಲು ಯೋಜನೆ ರೂಪಿಸುತ್ತಿದೆ. ಗೂಗಲ್ ನ XDA ಡೆವಲಪರ್ಸ್ ಈ ಯೋಜನೆಯನ್ನು ಸಿದ್ದಗೊಳಿಸುತ್ತಿದ್ದು ಹೊಸ ಫೀಚರ್ ಅನ್ನು ‘ಲೈಟಿಂಗ್’ ಎಂದು ಹೆಸರಿಸಲಾಗಿದೆ.

 

ಈ ಫೀಚರ್ ರಾತ್ರಿಯ ವೇಳೆ ಮನೆಗೆ ನಡೆದುಕೊಂದು ಹೋಗುವಾಗ ಯಾವ ಮಾರ್ಗದಲ್ಲಿ ಹೆಚ್ಚು ಬೆಳಕಿದೆ, ಕಡಿಮೆ ಬೆಳಕು ಇರುವ ಪ್ರದೇಶ ಯಾವುದು ಎಂಬುದರ ಕುರಿತು ಮಾಹಿತಿ ನೀಡುತ್ತದೆ. ಇದರಿಂದ ಮಂದ ಬೆಳಕಿನಲ್ಲಿ ಹೋಗುವಾಗ ಎದುರಾಗುವ ಅಪಾಯಗಳು, ಭಯ,ಆತಂಕಗಳು ನಿವಾರಣೆಯಾಗುತ್ತದೆ. ಮಾತ್ರವಲ್ಲದೆ ಮಹಿಳೆಯರಿಗೆ ಈ ಫೀಚರ್ ಬಹಳ ನೆರವಾಗಲಿದೆ ಎಂದು ಗೂಗಲ್ ಅಭಿಪ್ರಾಯಪಟ್ಟಿದೆ.

 

ಈ ಹೊಸ ಫೀಚರ್ ಇನ್ನು ಪರೀಕ್ಷಾ ಹಂತದಲ್ಲಿದ್ದು ಶೀಘ್ರದಲ್ಲಿ ಜಾರಿಗೆ ತರಲಾಗುವುದು. ಮಾತ್ರವಲ್ಲದೆ ಇದು ಭಾರತದಲ್ಲಿ ಮೊದಲು ಜಾರಿಗೆ ಬರಲಿದೆ ಮತ್ತು ಮಹಿಳಾ ಸುರಕ್ಷತೆಯಲ್ಲಿ ಈ ಫೀಚರ್ ಹೊಸ ಮೈಲಿಗಲ್ಲು ಸಾಧಿಸಲಿದೆ ಎಂದು ಗೂಗಲ್ ಸಂಸ್ಥೆ ತಿಳಿಸಿದೆ.

LEAVE A REPLY

Please enter your comment!
Please enter your name here