ಕಾಂಗ್ರೆಸ್ ತೊರೆದು‌ ಜೆಡಿಎಸ್ ಸೇರ್ಪಡೆಗೆ ಸಿಎಂ ಇಬ್ರಾಹಿಂ ನಿರ್ಧಾರ

0
4

ಬೆಂಗಳೂರು: ಕಾಂಗ್ರೆಸ್ ವಿರುದ್ದದ ಅಸಮಧಾನದ ಕಿಚ್ಚು ಮಾಜಿ ಸಚಿವ ಸಿಎಂ ಇಬ್ರಾಹಿಂ ರನ್ನು ಮತ್ತೇ ಜೆಡಿಎಸ್ ಪಕ್ಷಕ್ಕೆ ಸೇರುವಂತೆ ಮಾಡಿದೆ. ರಾಜ್ಯಸಭಾ ಸ್ಥಾನ ಕೊಡದೇ ಇದ್ದದ್ದು, ಅಲ್ಪಸಂಖ್ಯಾತ ನಾಯಕನಾಗಿ ಕಾಂಗ್ರೆಸ್ ನಲ್ಲಿ ಜಮೀರ್ ಅಹಮದ್ ಗುರುತಿಸಿಕೊಳ್ಳುತ್ತಿರುವುದು. ಸಿದ್ದರಾಮಯ್ಯ ಜೊತೆ ಮಾತುಕತೆ ನಡೆಸಿದರೂ ಯಾವುದೇ ಫಲಕೊಡದೇ ಇದ್ದದ್ದು ಕಾಂಗ್ರೆಸ್ ವಿರುದ್ಧ ಅಸಮಧಾನ ಭುಗಿಲೇಳಲು ಶುರುಮಾಡಿತ್ತು. ಹೀಗಾಗಿ ಕಾಂಗ್ರೆಸ್ ತೊರೆದು ಮತ್ತೇ ಜೆಡಿಎಸ್ ಗೆ ತೆರಳಿ ಅಧಿಕಾರದ ಚುಕ್ಕಾಣಿ ಹಿಡಿಯಲು ಸಿಎಂ ಇಬ್ರಾಹಿಂ ನಿರ್ಧರಿಸಿದ್ದಾರೆ.

ಇಂದು ಪದ್ಮನಾಭ ನಗರದಲ್ಲಿ ಇರುವ ಮಾಜಿ ಪ್ರಧಾನಿ ಹೆಚ್ ಡಿ ದೇವೇಗೌಡ ರವರ ನಿವಾಸಕ್ಕೆ ತೆರಳಿ ಪಕ್ಷ ಸೇರ್ಪಡೆ ಕುರಿತು ಹೆಚ್ ಡಿ ದೇವೇಗೌಡ, ಮಾಜಿ ಸಿಎಂ ಹೆಚ್ ಡಿ ಕುಮಾರಸ್ವಾಮಿ ಅವರ ಜೊತೆ ಸುಧೀರ್ಘ ಚರ್ಚೆ ನಡೆಸಿದರು. ಹೆಚ್ ಡಿ ದೇವೇಗೌಡರ ಜೊತೆ ಭೇಟಿ ಮಾಡಿ ಮಾತುಕತೆ ನಡೆಸಿದ ನಂತರ ಮಾತನಾಡಿದ ಮಾಜಿ ಸಚಿವ ಸಿಎಂ ಇಬ್ರಾಹಿಂ, ನಾಳೆಯಿಂದ ರಾಜ್ಯ ಪ್ರವಾಸ ಆರಂಭಿಸುವೆ. ಜನರ ಅಭಿಪ್ರಾಯ ಪಡೆದ ನಂತರ ಮುಂದಿನ ತೀರ್ಮಾನ ಮಾಡುತ್ತೇನೆ ಎಂದು ತಿಳಿಸಿದರು.

“ಕಾಂಗ್ರೆಸ್ ಪೋಸ್ಟರ್ ನಲ್ಲಿ ಎಲ್ಲೂ ಸಾಬರ ಫೋಟೋ ಇಲ್ಲ ಯಾಕೆ..?”..!

ಡಿ.ಕೆ. ಶಿವಕುಮಾರ್ ಕೂಡ ಬಂದು ಮಾತುಕತೆ ನಡೆಸಿದ್ದಾರೆ. ಜನರ ಬಳಿ ಹೋಗಿ ಎರಡನ್ನೂ ತಿಳಿಸುವೆ. ಅವರು ಹೇಗೆ ಹೇಳ್ತಾರೋ ಹಾಗೆ ಮಾಡುವೆ. ಜೆಡಿಎಸ್ ರಾಜ್ಯಾಧ್ಯಕ್ಷ ಹುದ್ದೆಯ ಬಗ್ಗೆ ನಾನು ಮಾತಾಡಲ್ಲ. ಸಮಯ ಬಂದಾಗ ನೀವೇ ನೋಡಿ. ರಾಜ್ಯದ ಜನರೇ ಚಿತ್ರಣ ಕೊಡಬೇಕು. ನಾನು ದೇವೇಗೌಡರು ತಂದೆ ಮಗ ಇದ್ದಂತೆ, ತಂದೆ ಎಂದಾದರೂ ಮಗನಿಗೆ ಬೇಡ ಅಂತಾರಾ..? ಬಿಜೆಪಿ ಬಗ್ಗೆಯೂ ಆತ್ಮೀಯತೆ ಇದೆ, ಯಾರ ಬಗ್ಗೆಯೂ ವೈಯಕ್ತಿಕ ಶತೃತ್ವ ಇಲ್ಲ, ಸಿದ್ದಾಂತ ಬೇರೆ ಬೇರೆ ಅಷ್ಟೇ. ನಾನು ಸಚಿವನಾಗಿದ್ದಾಗ ಅನಿಲ್ ಬೈಜಲ್ ಅಂತ ಎಂಡಿ ಇದ್ರು, ಅವರು ಆರೆಸ್ಸೆಸ್, ಹಾಗಂತ ನಾನು ಆರೆಸ್ಸೆಸ್ ಆದೆನಾ..? ಇಲ್ಲ. ಎಲ್ಲರ ಅಭಿಪ್ರಾಯ ಪಡೆದು ಡಿಸಿಷನ್ ತಗೋಬೇಕು. ಎಲ್ಲರ ಅಭಿಪ್ರಾಯ ಪಡೆದು ಹೇಳ್ತೀನಿ ಅಂತ ಡಿಕೆಗೆ ಹೇಳಿದೆ. ನಾನು ಯಾವಾಗಲೂ ಮುಸ್ಲಿಂ ನಾಯಕ ಆಗಲೇ ಇಲ್ಲ. ಸಿದ್ದರಾಮಯ್ಯ ಗೆ ಕುರುಬರ ನಾಯಕ ಅಂತಾರಾ..? ನಾನು ಹುಬ್ಬಳ್ಳಿ ಈದ್ದಾಗಲ್ಲೇ ಅದನ್ನು ತೋರಿಸಿದ್ದೇನೆ. ಅಲ್ಪಸಂಖ್ಯಾತರಿಗೆ ಸಂವಿಧಾನದ ಬೇಡಿಕೆ ಕೊಡಿ ಅಂತ ಕೇಳಿದ್ದೀನಿ. ಕಾಂಗ್ರೆಸ್ ಪೋಸ್ಟರ್ ನಲ್ಲಿ ಎಲ್ಲೂ ಸಾಬರ ಫೋಟೋ ಇಲ್ಲ ಯಾಕೆ..?. ಎಲ್ಲರೂ ಕುಳಿತಿದ್ದಾರೆ, ನಾವು ನಿಂತಿದ್ದೇವೆ, ನಮಗೆ ಯಾವ ಸ್ಥಾನ ಕೊಡಬೇಕೋ ಅದನ್ನ ಕೊಡಿ ಅಂತ ಅಂದಿನಿಂದಲೂ ಕೇಳಿದ್ದೇನೆ ಎಂದು ತಿಳಿಸಿದರು.

ಗೋಹತ್ಯೆ ನಿಷೇಧ ವಿಚಾರದ ಕುರಿತು ಹೇಳಿಕೆ ನೀಡಿದ ಅವರು, ಜೆರ್ಸಿ ಹಸು ಗಂಡು ಕರು ಹಾಕಿದರೆ ಸಾಕೋರು ಯಾರು..? ಗೋವು ಸಾಗಿಸುವಾಗ ಹಿಡಿದು ಕೊಂದರೂ ತಪ್ಪಿಲ್ಲ ಅಂತ ಮಾಡಿರೋದು ಸರಿಯಲ್ಲ. ನಾಳೆ ಕೌನ್ಸಿಲ್ ನಲ್ಲಿ ಮಾತಾಡಲು ಇನ್ ಪುಟ್ ಪಡೆದಿದ್ದೇನೆ. ನಾಳೆ ಸೆಷನ್ ಕರೆದಿರೋದು ಇಲ್ಲೀಗಲ್. ಎಪ್ಪತ್ತು ವರ್ಷಗಳ ಇತಿಹಾಸದಲ್ಲಿ ಕಾರ್ಯದರ್ಶಿ ಹತ್ತಿರ ಲೆಟರ್ ಬರೆಸಿಲ್ಲ ಹಿಂದೆ ಯಾವಾಗಲೂ ನಡೆದಿಲ್ಲ ಎಂದು ವಿರೋಧ ವ್ಯಕ್ತಪಡಿಸಿದರು.

LEAVE A REPLY

Please enter your comment!
Please enter your name here