ವಿವಾದಕ್ಕೀಡಾಯ್ತು ಅನಿಲ್ ಕಪೂರ್ ಚಿತ್ರದ ಟ್ರೇಲರ್; ಐಎಎಫ್ ಕ್ಷಮೆ ಕೋರಿದ ಬಾಲಿವುಡ್ ನಟ

0
21

ಅನಿಲ್ ಕಪೂರ್ ಅಭಿನಯದ ಎಕೆ ವರ್ಸಸ್ ಎಕೆ ಚಿತ್ರದ ಟ್ರೇಲರ್ ಭಾರೀ ವಿವಾದಕ್ಕೀಡಾಗಿದ್ದು, ಚಿತ್ರದ ಪ್ರಚಾರಕ್ಕಾಗಿ ಬಿಡುಗಡೆಯಾಗಿದ್ದ ಟ್ರೇಲರ್ ನಲ್ಲಿ ಬಳಸಿರುವ ಭಾಷೆ ಬಗ್ಗೆ ಭಾರತೀಯ ವಾಯುಪಡೆ (ಐಎಎಫ್) ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ. ಈ ದೃಶ್ಯವನ್ನು ತೆಗೆಗುವಂತೆ ಚಿತ್ರ ನಿರ್ಮಾಪಕ ಅನುರಾಗ್ ಕಶ್ಯಪ್ ಹಾಗೂ ನೆಟ್ ಫ್ಲಿಕ್ಸ್ ಗೆ ಸೂಚನೆ ನೀಡಿದೆ.

ಎಕೆ ವರ್ಸಸ್ ಎಕೆ ಚಿತ್ರದ ಪ್ರಚಾರಾರ್ಥ ನಟ ಅನಿಲ್ ಕಪೂರ್ ಟ್ರೇಲರ್ ನ್ನು ಟ್ವೀಟ್ ಮಾಡಿದ್ದರು. ಇದರಲ್ಲಿ ಅವಾಚ್ಯ ಶಬ್ಧಗಳಿಂದ ನಿಂದಿಸುವ ಪದ ಬಳಕೆ ಮಾಡಲಾಗಿತ್ತು. ಈ ವಿಡಿಯೋ ತುಣುಕನ್ನು ರಿಟ್ವೀಟ್ ಮಾಡಿದ್ದ ಭಾರತೀಯ ವಾಯುಪಡೆ ಸಂಭಾಷಣೆ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದೆ. ಇದು ಭಾರತೀಯ ಸಶಸ್ತ್ರ ಪಡೆಗಳ ನಡವಳಿಕೆಗೆ ವಿರುದ್ಧವಾಗಿದ್ದು, ಸಂಭಾಷೆಣೆಯಲ್ಲಿರುವ ಪದಬಳಕೆ ಸೂಕ್ತವಾಗಿಲ್ಲ ಎಂದು ಕಿಡಿಕಾರಿತ್ತು. ಅಲ್ಲದೇ ಇದಕ್ಕೆ ಸಂಬಂಧಿಸಿದ ದೃಶ್ಯವನ್ನು ಹಿಂಪಡೆಯಬೇಕು ಎಂದು ತಾಕೀತು ಮಾಡಿತ್ತು.

ವಿಕ್ರಮಾದಿತ್ಯ ಮೋಟ್ವಾನಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಎಕೆ ವರ್ಸಸ್ ಎಕೆ ಚಿತ್ರಕ್ಕೆ ಅನುರಾಗ್ ಕಶ್ಯಪ್ ನಿರ್ಮಾಪಕರಾಗಿದ್ದಾರೆ. ಚಿತ್ರದ ಪ್ರಚಾರಕ್ಕೆಂದು ಅನಿಲ್ ಕಪೂರ್ ಈ ಚಿತ್ರದ ಟ್ರೇಲರ್ ಹಂಚಿಕೊಂಡಿದ್ದರು. ಟ್ರೇಲರ್ ನ ಆರಂಭದಲ್ಲಿ ಅನಿಲ್ ಕಪೂರ್ ಭಾರತೀಯ ವಾಯುಸೇನೆಯ ಸಮವಸ್ತ್ರ ಧರಿಸಿದ್ದು, ಅನುರಾಗ್ ಕಶ್ಯಪ್ ಗೆ ಅವಾಚ್ಯ ಪದಗಳಲ್ಲಿ ನಿಂದಿಸುವ ಸೀನ್ ತೋರಿಸಲಾಗಿದೆ. ಇದು ಭಾರತೀಯ ವಾಯುಪಡೆಯ ಅಸಮಾಧಾನಕ್ಕೆ ಕಾರಣವಾಗಿತ್ತು. ಇದು ಭಾರತೀಯ ಸಶಸ್ತ್ರ ಪಡೆಗಳ ವರ್ತನೆಗೆ ವಿರುದ್ಧವಾಗಿದೆ ಮಾತ್ರವಲ್ಲ ಐಎಎಫ್ ಸಮವಸ್ತ್ರವನ್ನು ಸರಿಯಾಗಿ ಧರಿಸಿಲ್ಲ. ತಕ್ಷಣ ಈ ದೃಶ್ಯಗಳನ್ನು ತೆಗೆಯಬೇಕು ಎಂದು ವಾರ್ನಿಂಗ್ ನೀಡಿತ್ತು.

ಟ್ರೇಲರ್ ವಿವಾದಕ್ಕೀಡಾಗುತ್ತಿದ್ದಂತೆಯೇ ಚಿತ್ರದ ಟ್ರೇಲರ್ ನಲ್ಲಿ ಬಳಸಲಾಗಿರುವ ಪದಬಳಕೆ ಬಗ್ಗೆ ಇದೀಗ ನಟ ಅನಿಲ್ ಕಪೂರ್ ಭಾರತೀಯ ವಾಯುಪಡೆ ಕ್ಷಮೆಯಾಚಿಸಿದ್ದಾರೆ. ನನ್ನ ಹೊಸ ಚಿತ್ರ ಎಕೆ ವರ್ಸಸ್ ಎಕೆ ಟ್ರೇಲರ್ ಹಲವರನ್ನು ಕೆರಳಸಿದೆ ಎಂದು ತಿಳಿದುಬಂದಿದೆ. ಯೋಗ್ಯವಲ್ಲದ ಭಾಷೆಯನ್ನು ಬಳಸುವ ಸಂದರ್ಭದಲ್ಲಿ ನಾನು ಐಎಎಫ್ ಸಮವಸ್ತ್ರ ಧರಿಸಿರುವುದರಿಂದ ನೋವುಂಟಾಗಿದ್ದಕ್ಕೆ ಕ್ಷಮೆ ಕೋರುತ್ತೇನೆ. ಆದರೆ ಇದು ಉದ್ದೇಶಪೂರ್ವಕವಾಗಿ ನೋವುಕೊಡಬೇಕೆಂದು ಮಾಡಿದ್ದಲ್ಲ ಎಂದು ಹೇಳಿದ್ದಾರೆ.

LEAVE A REPLY

Please enter your comment!
Please enter your name here